2007-7-12 12:48 PM
anTi-Y偉少=P
炒豪宅損手 急放獨立屋撲水 郭可盈賣愛巢食水深無人吼
郭可盈 與林文龍於04年結婚，婚前更將01年購入的匡湖居 花300萬元重新豪裝作愛巢之用，豈料3年後兩夫婦突然將自住獨立屋急急放盤，據曾前往睇樓的周太表示，當時郭可盈落足嘴頭狂推銷，似乎相當心急轉讓。而地產行內人稱，由於郭可盈叫價1,880萬元，比市價貴出兩成，故目前依然「食白果」！
一度是無綫當家花旦的郭可盈，自05年失落於台慶女主角獎後，便與無綫關係起變化，去年還與丈夫林文龍齊齊簽約新經理人轉戰內地市場發展，工作量亦不俗。
不過，最近卻有消息指出，二人突然將百萬豪裝的西貢 匡湖居愛巢「急放」套現，該獨立屋叫價1,880萬元放盤，每呎高達9,900元，據知「開高價」的原因是花費過百萬裝修費有關。雖然期間不斷有經紀安排客人前往睇樓，但由於價錢比市價高出兩成，是故至今仍然有價無市，要「食白果」！
炒賣西九豪宅損手
而郭可盈對於自己放售愛巢一事顯得異常低調謹慎，只委託住所附近兩家地產公司代理，就連選擇睇樓客人亦小心翼翼，事前必須起清對方底細，深怕賣樓一事曝光。
記者聯絡到曾經前往睇樓的周太，她說：「我去睇樓時，是郭可盈親自帶我參觀，間屋都裝修得好骨子，保養得好好，裏面放了好多結婚相同無綫獎項，她開價1,800萬，仲落足嘴頭游說，我都有問點解咁心急？她即時好尷尬。」
其實有樓市狙擊手之稱的郭可盈，向來眼光獨到，可惜年前大手購入的西九龍一個豪宅盤4個單位，最終樓盤未能輕易易手而要上身，慘被拖累弄至損手爛腳。
300萬裝修築愛巢
郭可盈與林文龍都是愛海之人，01年以700萬買入1850呎的匡湖居K段79號獨立屋，其後在04年結婚前，利用半年時間，兼花費300萬豪裝愛巢。林文龍對希臘 愛琴海白式小屋情有獨鍾，郭可盈則獨愛泰式渡假感覺，所以裝修採取雙式設計。當時林文龍在接受訪問時說過：「我們都不愛蒲，大部分時間都在家，尤其我喜歡大自然，記得有次1個人對着海喝茶看雜誌，舒服到睡着覺，這種感覺用錢也買不到！」
據知，曾經有經紀開價2千萬要求二人割愛，可是夫婦還是不為所動。之前勢要保護有錢買不到的美好家園，奈何現在低調「急讓」，實在耐人尋味？