我姓李,我今年15歲,就讀中三級,我係一個男學生,中一個年,我係學校暗戀左一個女老師,雖然佢唔係教我其中一科,但係因為佢個樣好靚,所以我由Form 1 個年已經留意住佢,包括佢既出出入入,行為,嗜好等幾方面.有時仲會問某些被佢教個既個啲學生一啲關於佢既野,這時我知道呢啲只係好感.
             中二個年我既夢中情人終於教我中文科了,由佢入黎上堂個一刻開始,就覺得今年好好彩,可以俾一個我暗戀既女老師教,所以我係呢年上佢堂個陣成日舉手答問題,佢開始留意我,跟住我仲成日係落左堂之後去教員室搵佢問問題,其實我只係想見佢多佢一面.每見到佢一面,我心裡就有一種喜悅.呢一年既年尾,我送左一份禮物俾佢,佢即刻好開心咁問我,點解無la la會送禮物俾我既,我就答佢,呢一年裡面你教左我好多知識呀,專題研習你又時時幫我地個組解決困難,所以我想送呢份禮物黎多謝你呢,我仲想係度同你講一聲多謝.佢聽到之後,佢好開心,佢仲話呢啲只係我既本份姐.呢個時候我覺得非常之開心.
             今年佢又教我中文科喇,我覺得開心呀,.上學期,上佢堂個陣我如常繼續經常舉手答問題,佢繼續因為我突出既表現而感到開心,臉上微笑,呢個時候我已經愈黎愈鐘意佢喇,我而家好似番學就係為左上中文堂咁,唔知點解呢,可能因為我上佢堂成日舉手答問題,所以我啲朋友就問我,你係咪鐘意佢姐,唔係幾話點會上佢個堂成日答問題,又咁留心上堂,而其他堂就訓教呀!!我當然答佢地係,我好鐘意佢.下學期個陣,上佢堂我已經再沒有好似上學期中二咁成日答問題喇.因為我驚比朋友話我係{擦鞋仔}.因為我啲朋友知我鐘意佢,所以佢地見到佢個陣都會話李同學鐘意你喎,佢聽到之後臉帶點微笑.我以為咁係一個好既開始.因為佢已經知道我鐘意佢,我好緊張呀,唔知佢對我有冇感覺呢??但係唔知點解佢之後就對我冷冷淡淡.上堂,經過個陣已經再沒有對我理會了.初頭我以為因為我上佢堂個陣冇答問題所以佢就唔理會我.,但係有一日我問我一個朋友,你估下佢點解忽然間對我咁冷淡呢,??跟住我呢個朋友就咁樣答我,.{其他人係佢面前講你鐘意佢,我覺得佢知道你鐘意佢之後佢唔想你因為佢而影響學業,我唔知佢對你有冇感覺,如果你想知,你未問佢囉,但可以肯定既係你對佢只係好感,你同佢根本冇可能既,放棄吧啦!!師生戀唔會有好結果嫁!}我聽完之後覺得好無助,我唔知我對佢既係好感呀??定係真係鐘意佢呢??我唔知點算,我又唔知我係佢心目中係一個點樣既人,走去問佢又驚太突然,我真係唔知而家可以點做??

我不同意你這樣做

你繼續暗戀她對誰也沒有好處

你也不想她為這件事而受困擾甚至被辭退的

如果你真的喜歡她就應該為她著想

學校不會容許師生戀的

師生戀也很少有成功案例

更何況你也不一定喜歡她

可能只是敬愛她

既然她的態度己經表明她不想發展這段關係

你就應該尊重她的決定

你最好當然是只是敬愛她

可以繼續維持亦師亦友的關係

如果不能

就告訴自己她已經拒絕你

嘗試忘記她

如果是不成功

你就可能要考慮轉校了

希望我的個人意見能對你有幫助* =]

加油努力哦,,你一定要三思,,無論你決定如何,,我都會支持你!!*