白羊座

白羊座面對人生目標，就好似倉鼠跑碌咁，不停跑不停跑跑到直頭唔識倦！同一道理只要老細們知道白羊座呢個特性，為佢set定個目標，將佢放入個碌度，白羊座就會忍唔住跑呀跑呀！真係會好似阿總理話齋咁為份工「死而後已」！


金牛座

咪睇金牛座工作咁勤力為人又忠實就以為佢會係「死而後已」的第一位！錯晒！事實係金牛座人本身冇乜事業野心，工作對佢來講只係搵銀享受生活的最佳途徑同方法，你叫佢咁搏命為乜，仲要做到死喎，咁佢點享受人生呀？老細真係叫到，佢會寧願另謀高就！


雙子座

唔駛多講，相信好多人都會估雙子座一定唔係「死而後已」果種人！估中晒！不過講句公道說話，雙子座工作絕對唔懶散，雖然勤力就稱唔上，不過都幾負責任，交得畀佢做佢會盡力完成，可惜係佢集中力有限，一旦工作唔有趣，點都吸引唔到佢的話，雙子座就會有心冇力！


巨蟹座

巨蟹座的情況同金牛座有d相似，佢亦都係另一位好勤力好忠實的員工，但同樣地，佢工作的推動力或多或少都係同賺錢養家有關，再加上佢的家庭觀念好重，你叫佢為其他人奉獻一切喎！咁屋企人點算？頭家邊個理？搵埋咁多又有咩用！佢睬你都傻！


獅子座

輪到獅子座，由外圍環境去睇，要面要威的獅子座，一旦老細交個重任過佢，畀機會可以企響舞台中央，有個咁好的表演機會，佢就梗係會全力而付做到最好！不過！天生有才華但係完全冇毅力兼且擁有大量懶惰細胞的獅子座，做到死？好難囉！


處女座

要數「死而後已」一族，處女座絕對係高危！講到為工作盡心盡力的認真程度，佢認第2冇人敢認第1！處女座具備多種條件：天生工作狂，責任心又大，再加上係完美主義者，老細交畀佢的工作，佢會身不由己咁畀盡油努力完成！係個唔駛總理提，佢都會自動死而後已的星座！


天秤座

天秤座唔係一個懶惰的人，佢好明白兼信奉「一分耕耘一分收獲」呢個道理，而且亦都好希望可以貫徹人家交畀佢做的工作，聽落表面上好似係「死而後已」型，但係隱藏響天秤座內心深處有顆退休享受人生之心，所以講到底天秤座只會願意付出半個人生死拼，佢一定要退休！


天蠍座

天蠍座為人好有目標，一生積極向上爬，唔駛人家多講佢都會為達到目的而努力！「死而後已」對佢講係成功的過程絕對值得，不過你咪誤會佢係為大眾服務喎！佢死而後已絕對唔係為大家，只係為佢自己，天蠍座要的係權力為大眾服務？咪傻啦！


人馬座

如果特首係人馬座，大家一定要勸阿總理慳返啖氣暖肚！千祈咪誤會以為人馬座唔負責任，不過同獅子座一樣，人馬座都係有懶惰的傾向，再加上佢自由奔放，人生有咁多有趣事等緊佢去發挖，個世界又有咁多地方等緊佢去玩，你叫佢「死而後已」？佢會話你係冇良傭主！


山羊座

另一位「死而後已」一族！佢同天蠍座有d相似，又係唔駛人家提佢都會為達到目的而努力，更加厲害的係佢耐力驚人，佢的努力完全唔受環境同時間規限，一日未到得到佢的「死」可以一路延遲，一步一步行上去，而且野心亦唔細，話唔定好多年之後就到佢同下屬講返同一番說話！


水瓶座

水瓶座對人道主義好有興趣，做領導管人亦係佢果瓣，再加上畀機會佢改善社會喎，佢就更加躊躇滿志啦！不過水瓶座最大的致命傷係佢專注力好差，呢頭佢有幾大必死決心管治社會，果頭畀佢發現原來環保項目更加需要佢時，佢就會將必死決心轉移，係個好難控制的星座！


雙魚座

無論如何，你叫雙魚座「死而後已」就等同對牛彈琴一樣！首先要明白雙魚座係一個點燃唔起的星座，佢的情況就好似濕水炸彈，佢唔係冇火藥，不過係濕晒點極都點唔著咁解；另外係一d咁正經的題目根本就唔適合佢！總理叫到佢一定答應，不過就冇乜心力可以完成得到！

天秤座

天秤座唔係一個懶惰的人，佢好明白兼信奉「一分耕耘一分收獲」呢個道理，而且亦都好希望可以貫徹人家交畀佢做的工作，聽落表面上好似係「死而後已」型，但係隱藏響天秤座內心深處有顆退休享受人生之心，所以講到底天秤座只會願意付出半個人生死拼，佢一定要退休！


@@

金牛座

咪睇金牛座工作咁勤力為人又忠實就以為佢會係「死而後已」的第一位！錯晒！事實係金牛座人本身冇乜事業野心，工作對佢來講只係搵銀享受生活的最佳途徑同方法，你叫佢咁搏命為乜，仲要做到死喎，咁佢點享受人生呀？老細真係叫到，佢會寧願另謀高就！

哈哈~咁搞野既