Feb 18, 11 各大報章有關 HotCha 的報導
法拉信男友冇飲「Cha」

陳法拉、金剛及沈卓盈前晚為《我愛HK開心萬歲》到戲院謝票，問到男友薛世恒被拍得與HotCha成員Regen同遊，法拉說：「佢打電話畀我話唔開心，我笑住話深表同情，總之我百分百信任佢，佢好老實o架！」她又透露情人節在家中「煮飯仔」，並互送情人卡，看來緋聞無損二人感情。問到「未來妯娌」諸葛梓岐被傳曾結婚生仔，她則不作回應，亦否認與對方「分家」食團年飯。

此外，曾志偉、吳君如與沈卓盈等昨晚出席《我》片慶元宵活動，沈卓盈更拋胸「峰」殺「咪神」高海寧及呂慧儀，高海寧對此說：「遲啲要去越南拍飲食節目，太性感驚冷病！我冇諗過佢會咁着，可能我諗錯啦！」至於志偉透露亡父的追思會將於本月26日舉行，由於屬笑喪，故沒有特別儀式，一切從簡。

資料來源：太陽報

陳法拉唔信男友偷嗒Regen

陳法拉在農曆新年間去了美國探親兼搵真銀，未有同行的男友薛世恒則在港被拍得與HotCha的Regen同遊，法拉不但未有嬲怒，反而借機玩男友，事實是她對男友信心爆棚，因已有愛的承諾。

法拉前晚與金剛、沈卓盈為電影《我愛HK開心萬歲》到戲院謝票，向觀眾大派紀念品，席間談到離港期間男友被拍得與旗下組合HotCha成員Regen一起而傳緋聞，法拉不怒反笑：「佢有打電話畀我報告，話有啲唔開心，佢話係同事拜年傾埋公司嘢，（點安慰佢？）我話對佢深表同情，（百分百信任男友？）係呀，佢個人好老實！（HotCha成員只得一個？）應該係唔複雜、好簡單嘅事。」

情人節互送卡
法拉對男友有信心，全因剛過去的情人節，兩人悄悄在家溫馨玩「煮飯仔」，問到收到甚麼禮物，她笑言：「只收卡，禮輕情意重，我都係送卡畀佢，唔使嘥錢買禮物啦，都冇特別嘢想要，（卡中有承諾？）寫咩唔話你知，總之係傳達愛意。」

遊客無法瀏覽此圖片或下載點，請先註冊或登入會員。
Regen

資料來源：東方日報

法拉指男友自動投案

陳法拉、金剛和沈卓盈前晚出席電影《我愛 HK開心萬歲》謝票活動，有指陳法拉男友薛世恒在港密會 HotCha成員 Regen，陳法拉說：「報道出咗街之後，男友都有打電話畀我，俾人影咗一定會唔開心，我咪話對佢嘅遭遇深表同情。」陳法拉表示信任男友。

對於被發現跟男友家人一起團年，她說：「都係私人聚會啫。」她表示不評論諸葛梓岐年尾結婚一事。

沈卓盈低胸搶鏡
另外，《我》片一班演員昨晚在將軍澳電視廣播城出席元宵節活動，當中以沈卓盈一襲低胸裙最搶鏡。演員兼導演之一的曾志偉透露，父親的追思會在本月 26日舉行。樂易玲則表示早已知道郭羨妮拍拖，她說：「佢透過經理人知會過我，不過係咪結婚就唔知喎。」

資料來源：蘋果日報