我7年前去沙田既一個戲院睇戲,果時未夠鐘入去睇,我就去廁所先~

入到男廁,我見到一個啊婆係度洗手,我見到佢係冇頭髮既,側邊有d好長既白頭髮~

佢塊面就好似睇戲d人咁,塊面查到好白,但係隻眼就好紅,好得人驚~

我心唸,呢度男廁稷架喎,點解會有個啊婆係度既呢??

當時我都冇理佢,因為男廁入面都好多人~

我係出面等緊廁格,因為好多人~

我見到每一個入黎既人都會俾個啊婆吓親,因為佢個樣真係好恐怖~

之後我出到去,見到兩個男人係度講,頭先個啊婆咁既,好恐怖呀~

之後我八掛就走去同佢地講,係囉,點解會咁既~

我出到去之後同d職員講,男廁入面有個啊婆,你叫佢出黎啦~

之後夠鐘入去睇戲,入到去,我俾張飛叫帶位果個人帶我去,但係佢唔理我~

咁我唯有自己搵位~

搵到位之後就坐係度睇戲,我坐係第3行~

跟住我睇既係周星池既笑片~

後面無啦啦有個人哄埋黎,我一望,原來係果個啊婆~

我當時好驚,嚇到成個人彈起,嗌左兩聲~

個啊婆同我講d唔知咩話,聽都聽唔明~

跟住佢講左句:睇戲啦~

咁我就繼續睇戲,唔理佢~

睇左大約1小時,我心唸,呢套周星池既笑片黎架喎,點解冇人笑既??

之後我另轉頭,見到1個人都冇,咁當時我都冇理佢~

睇左大約3-4個字,我再另番轉頭,又係1個人都冇,連帶位果個人都唔係度~

後尾我出番去問d職員,佢地話呢套戲唔知做乜今日冇票房~



個故事就係咁喇,我覺得好恐怕~