我一生人都係過虛偽生活,我叫做大陳..

我小學果時,好健談,好多好多朋友,真係好勁

其中有個朋友,同我最friend
就叫佢地做小明= =

到左小五,唔知點解無啦啦好少好少講野

因為好少講野就比人忽略左= =

果時我經已係冇哂朋友,渾渾噩噩升到小六

但係一升到小六,真係好奇怪,點解個個無咩理我d朋友(幾十個),突然係咁同我傾計?

就算我無話題,都要搵我傾計

我真係好開心,愎慢咁打開健談之門

但係不幸比我見到一件事,係washroom到,見到小明同人講野..
小明: 喂...可唔可以幫我一件事?
人: 有咩事,講出黎
小明l: 可唔可以同大陳玩?佢無咩朋友,當幫下佢
人:唔係呀?咁都叫人幫?會唔會傻左小小?明知係假都要人幫
小明l: 係我叫你幫..佢唔知呢件事
人: 好呀,佢真係幾可憐,就幫下佢

我聽到呢件事,我真係..........
我從來未為過朋友而感到孤單
你叫人咁做,算點?我知你係想幫我,但係有冇諗過我?
我真係無哂自尊,我唔知點去面對佢地
係我眼中,佢地變左機械人...表面同我傾計,但係個心係到叫苦連天

對我有幾好,有咩用?都係假,虛偽也
我真係無哂面,對住機械人我唔知點回應佢地
我唔想活係虛偽到,佢地令到我透唔到氣
我真係好想知道,我係佢地眼中係咩,日日見住佢地機械式咁同我傾計,我................好無奈

慢慢升到中學,唉.終於可以離開虛偽生活
但係我估唔到..........虛偽又黎

有個朋友,係小六果時識,佢係女仔,我係男仔,不打不相識....
我同佢感情幾好,而佢仲同我升到同一間中學
佢叫做小花

到左中學,我變番沉默似金,因為無人識我,我無朋友,但係我認為係一種福氣
上學期無咩野,無人理我,過得安安份份
但係下學期....

無啦啦有好多人理我..唔識我d人都黎搵我傾計
我真係好唔明,唔通虛偽又黎?唔會..去到中學無可能有...(自欺欺人)
但係某一日,我又不幸咁聽到.....佢叫人去同我玩,原來小明叫左小花去做呢件事...

我真係唔明....小學離開左虛偽生活,點解?點解中學又要有?
虛偽生活永遠都跟住我?點解佢地要舉行呢種無聊計畫?
我本來以為中學可以罷脫,但係...而家又有
我真係好辛苦,日日生活係虛偽中
唔通我一生人只有虛偽?
高中會唔會有?大學呢?出黎搵野做呢?
我真係受夠呢種生活,我好累...

[ 本帖最後由 superyyh 於 2008-3-30 08:43 PM 編輯 ]