之後點呀?
我想睇-

「唔得啦!」我被呀風咁嗌一嗌,當堂醒晒
「你咩事呀呀風?」我問
「佢兩丁友入左去死半個鐘啦!」呀風講
「會唔會有事呀佢地?」我問
「我唔知佢有冇事呀, 我就有事啦,企係度唔『支力』架?」呀風埋怨
「咪係囉,凍死加俾蚊咬死呀!!」呀彤講
「咁不如我入去搵下佢把啦!」我自告奮勇
「唔得!」佢地三個異口同聲拒絕左我
「點解呀?」我不解地問
「你一個人咁危險!」呀彤講
「咁呀風陪我去啦!」我講
我故意講呀風, 係唔想係呀謙......
我見到, 呀謙面上閃過一絲絲失落
但好快就平伏返,做返目無表情既佢
「唔得!」呀風一口拒絕
「你又乜事呀,計樂風?」我不滿地問
「我只係可以同呀倩(呀倩,仲記得嗎?風條女呀!!)一個去架扎!」呀風講
「你...... 係呀係呀, 我都唔想同你去呀!! 呀彤! 陪我去!!」我講
我始終都冇叫呀謙
「我都唔要, 我唔係斷背呀!」呀彤兩手護住胸,假裝害羞地說
「你......」當我想鬧返呀彤時,
一只大手把我拖走,留下一句:
「我帶佢入去......」
我望住佢背影, 呀謙......
忽然, 呀謙停低左
「做,做......乜停低呀?」我問
「......」
「呀謙?」
「既然入左黎, 我都試下」呀謙講
「咩呀?你講咩話?」我吃惊地問
「既然入左黎, 我都試下個咒語」
「你......」我措手不及地站在原地
「我唔想白白放棄呢段情」呀謙若有所思咁講
「放棄?」呀謙...... 要放棄......
「如果...... 真係撞唔返...... 我接受命運, 我放棄......」呀謙講
「呀謙......」我唔知講乜好
「但係,如果我地遇上,你都要接受,你唔可逃避,你一定要同我係返埋一齊......」呀謙語氣中帶住威脅(恊)
「好!」我...... 我竟然應承呀謙......
「自己小心......」呀謙講完,轉身走左
我呆呆咁望住佢背影, 呀謙...... (待續)

呀..唔好吊住我引呀!!快d post呀!!

快d post呀!!sup*!!!!!!!!!!

SOR''咁奈冇PO''今日PO多D俾大家``
----------------------
「呀盈呀盈!!」我大嗌
我越行越入,風把樹枝吹得沙沙聲
「呀盈! 呀盈!!」我大叫
「隆隆──」
「呀盈!! 呀盈!!」我繼續叫
「隆隆──隆隆──」
到底乜聲?
「呀盈!」
我的聲音明顯細左一半
「隆隆－－」
嗚嗚,唔係鬼叫呀?
「隆隆－－」
媽呀!!救命呀,
雖然我怕怕,但我都行左入去,
可能大家唔記得, 但我提返,依加, 係,夜,晚,十,點,正......
話就話係搵佢兩個,但係我同呀謙都係係度試
忽然之間,岩岩既聲音冇左
「呀盈!! 呀盈!!」我再叫
良久, 我越入越深, 我諗依加我應該都到森林既中央
「沙沙──沙沙──」又黎啦!!嗚嗚, 我係咪被鬼跟住呀?
咁咁咁咁咁咁,多,多怪怪怪怪,聲聲聲聲......既?
「沙沙──沙沙──」沙沙聲一直都冇停
仲越黎越近,越黎越大聲
救,救救救,命呀......
但係......點解一次係「隆隆──隆隆──」
一次係「沙沙──沙沙──」?
咁怪既?兩次都唔同
我憋氣唔呼吸,認真咁聽......
「......」
「沙沙──沙沙──」
「......」
我聽清楚d,反反反,反而聽到,到好好好,好似腳腳,腳步聲呀!!!
媽呀!! 點解我要咁黑仔呀? 欲哭無淚!!!
「沙沙──沙沙──」又黎啦!!嗚嗚......嗚嗚......
「呀!!!」我嗌破口聾,
岩岩......岩岩......
我岩岩見到一,一一一,一個......
一個黑影影影影.影呀!!
原本安祥係樹上休息的小鳥,頓時飛走晒
到底發生咩事呀...... (待續)

當我出返去時
呀風, 呀彤, 呀盈同...... 呀謙......
「大,大家都係度呀?」我尷尬咁笑笑
好似所有人等我咁
「呀希,你岩岩係入面做乜嗌呀?」呀彤擔心咁問,
「下下?我冇乜事」我偷望呀謙,咁岩佢又望住我,
四目交投,我同呀謙係森林度咁,又係算點?
我望一望,
「呀川唔係度?」我問,
大家都冇出聲,面色沉重
「呀盈,你有冇撞到呀川呀?」我心急咁問,
呀盈冇奈咁點點頭
「咁搵唔搵到棵樹呀?」我再問,
呀盈再點點頭,
「咁呀川依加係邊呀?佢一定好開心姐!!」我講,
但係...... 呀盈忽然搖搖頭,
「呀盈......你地......做乜咁?大家咁怪既?」我問,
呀盈開口講:「我係撞到呀川,都搵返棵樹,但我冇同返呀川一齊......」
「咩話?」我吃惊咁望住佢地,
佢地一早知架啦?
「呀盈,點解呀?佢有乜唔好呀?有樣有錢有權......」
我末講完,盈打斷我,
「係,佢係好好,但係冇我想要既野呀!!佢有既野我並唔希罕呀!!」
呀盈講完,轉身走左,
我......應該點做?
翌日, 2月15日
今日係呀川既生日,亦係星期一
我準備好禮物去搵呀〣
尋日搞成咁...... 唔知佢依加有冇事
我係school搵左好耐
終於係棵荔枝樹搵到佢
當我想行前一步時, 我見到呀謙
呀謙向呀川個邊行去
我見呀謙遞左枝汽水俾呀川
之後係度傾左兩句
忽然, 呀川將汽水往地一擲
用力揪住呀謙衫領,大嗌:
「點解我鍾意d既既全都鍾意你架? 呀希又係, 呀盈又係, 呀樂又係!!」
呀樂又係? 呀川鍾意過呀樂?個陣, 我想上去,但係被人捉住膞胳...... (待續)

「雲翼行?」高我整整一個頭既佢,
居高臨下,佢用食指放係嘴唇上
示意我唔好去,睇埋落去,
我只好答應,
「呀川,佢地要咁我可以點姐?」呀謙講
佢地?係指我地三個?但又有呀樂......
「你......」呀川冇言,
沉默
「呀川,我地係咪好兄弟?」呀謙問
「好兄弟?哼!九歲,我係鍾意呀樂,但佢同你有婚約,
ok,我唯有放棄,十三歲,你同呀樂解除婚約三年,
我以為佢放底下你,我就同呀樂表白,你知唔知佢講乜呀?
佢話,即使你兩個分開,佢都唔會放棄你,可以話放底唔到,
可以話唔想,總之唔會放棄你,之前係,依加係,將來都係!
ok!佢拒絕左我,我又只好放棄囉!」呀川眼中有一種響往童年既眼神
「呀川......」呀謙眼神中帶點吃惊,
「一直我都鍾意呀樂,直到呀希出現.我就被佢吸引住,
但係慢慢......你又出現,一開始,話公平競爭,
但只係我自己將公平競爭美好化,跟本就冇公平競爭!
即使我幾努力,呀希都唔會鍾意我,因為佢個心一直都係你度!
就好似呀樂咁!!」呀川好似飲醉左咁大叫
「呀川呀!你要明白呀,愛情跟本冇......」
呀謙未講完,就俾呀川打斷,
「係呀!跟本冇得計較呀麻!!」呀川講
「你岩!!你岩!!但係我愛一個人有錯咩?」呀川問
呀謙冇出聲,
「知唔知我點解會同呀盈一齊?」呀川平伏左心情問
「呀盈係呀希個班既班長又模範生,
有一次,我返學,呀盈送左封情信俾我,
我一開始冇理佢,但係就係個日,
我見你同呀希有講有笑,我嬲!
咁岩我撞到呀盈,於是我應成左佢一齊,
一開始,我只係利用佢嬲呀希!」呀川講
呀謙依然冇出聲,默默地望住呀川
「我一直都係玩佢,直到呀盈碌落樓梯時,我真係冇乜feel,
只係有內疚,係呢段分左手既其間,我用左半年諗清楚,
我對呀盈呀希到底係點,我先發現,佢兩個都係係我心入面,
一個有內疚,一個有曾經愛過,但呀希有左你,我又可以點?
我咪只好選擇呀盈囉,當我可以接受到呀盈時,佢又鍾意左你!!」呀川講

「......」依加既呀謙,只好選擇沉默!
「為左一個好兄弟, 我只好放棄三個我愛既人,
即使我同呀盈森林撞到,佢都為你選擇放棄我!!」
呀川講完,坐在樹下,呀謙都跟坐下,
「呀謙,仲記唔記得,我地係點做兄弟?」良久,呀川問,
呀謙點點頭,
「一開始, 我同你冇乜兩句,五歲個陣,我忍受唔到家族之間既管治,我只好逃走,
我個陣俾幾幾個十歲既人打,你黎左救我,但最後兩個一齊俾人打」
呀川講,呀謙都點點頭,露出一絲絲微笑,
「但係依加,我將我三個愛既女人讓左俾你,咁算唔算打和?」呀川問,
「一早......己經打和......」呀謙不緊不慢地說
「即係我可以隨意打你一拳?」呀川講完,打左呀謙一下
呀謙並冇還手, 呀川吃惊地望住呀謙
「你做乜唔還手?」呀川問
呀謙搖搖頭, 講:「兄弟......」
呀川吃惊咁問:「點解一早就打和?」
「因為......」呀謙對呀川笑一笑, 講
「你一早還左個人情俾我」呀謙講
「我?」呀川吃惊咁問
呀謙點點頭講,
「你做左我兄弟,己經係還左,」呀謙講
呀川不解咁望住呀謙,
呀謙講:「係呢十六年,你暗地裡都幫左我好多,
次次有宴會,我都帶你逃走,但次次俾人捉返,
都係你幫我,食左個死貓!仲有呀怡訂婚個日,
你都帶左呀希入黎,你幫我既,係無窮無盡......」呀謙講
「走啦!」忽然有人扯我件衫,
「遲d遲d!」我拍走隻手,
「走啦,你地兩兄弟和好啦,仲咁八掛,」雲翼行一手扯走我,
「都話唔好出去架啦,你出去只有越幫越忙,」雲翼行講
「下?why呀?」我問,
「人地兩兄弟既事,等佢兩個解決,你又係你當時人,你出去佢2個一定打交」雲翼行講
「咁講又好似係喎呵......」我講
沉默......
「喂......你做乜搵到我架?」我問,
「因為你樣衰,太突出,」雲翼行好cool咁講
「咩呀?上次俾我打完今次仲咁囂張?」我做出想打人既poes,
「哈哈哈,你講笑呀?明唔明係我打你既!」雲翼行講
「看招!!」於是,我同雲翼行打打鬧鬧,一個晨早就過去了...... (待續)

一陣陣寒風,把我吹得刺痛
今日我, 呀謙, 呀川,呀風同呀芊五人行,
行花市,冇錯,我地又放假啦,今次係新年假囉!
羡慕呀?哦呵呵!!你慢慢發白日夢啦,
「呀希!呀希!呢棵桃花靚唔靚呀?我要買!!」呀芊講
「你有左臣仔啦,」我講,
「車!我一棵你一棵!兩個人買八折呀!!」呀芊講,
「下?我......」我為難咁望住呀芊,
再望望呀謙,呀謙又望住我,我即刻拎開面,
「呀芊呀芊,我同你買啦!呀希再買有桃花避架啦!」呀風見我咁,即刻同呀芊講,
呀風拖起呀芊隻手時,我好似見到呀芊有d難為情並面紅
呀芊唔係又鍾意......救命呀,係要係依加撞咁多事!
「我肚餓啦,我要去食野!」呀芊講,
我見岩岩買完出黎既呀芊咁鬼開心,冇謂掃佢興啦,
「係囉係囉!行左成朝,我都餓啦!!」呀風講,講完,
兩個人拖住手跑,如果陌生人睇,好似兩兄妹玩緊,
但我地自己人睇,就知乜事,我睇呀芊表情,
一d都冇兄妹咁簡單,我從未見過呀芊咁對臣仔笑,
當然,佢地私底下我唔知啦,但我想講下,
呀芊呢種人,佢一定將自己第一次留俾自己愛既人,
而又我好似記得,俾左呀風......
但我唔肯定,但我肯定,呀芊對呀風一定仲有野!
「覺唔覺,佢2個有d野?」忽然,呀川講,
一講講中我心聲,
「同意!我feel呀芊對呀風餘情未了!」我講,
「有一日......」忽然呀謙講野,
「有一日,我見到呀芊係角落度偷偷望住呀風打波,」呀謙冷靜咁講,
「咁講唔出奇姐,」我講,
「但個日我明明聽呀臣約呀芊,但芊拒絕左......」呀講再講,
「唔係呀?咁......咁即係, 呀芊寧願睇呀風打波都唔同臣仔出街?」
我吃惊咁問,佢2個不約而同點點頭
「喂,你三條友行咁慢架?」呀風對住我地講,
「係囉係囉,依個time好多人架!!」呀芊講,
我好少見佢2個咁合拍,之前成日打打鬧鬧,
「喂喂喂,唔好講住!」
呀川同我打眼識
「ok!我因間偷偷問下呀芊,你地要洗開呀風呀,」我細細聲講,
我地3個同時點頭...... (待續)

「喂喂,你食野唔好有聲得唔得呀?」呀風同呀芊講,
呀芊聽到,即刻火都黎埋,大嗌:
「關你乜事姐?」
「你......」呀風俾佢嚇親,
「你埋粒魚蛋都噴左出黎呀,」我提提呀芊,
呀芊俾左呀風一眼,
「呀希有冇紙巾呀?」呀芊問,
「你知我不嬲都唔唔帶架啦,」我聳聳肩,
當芊想問呀謙時,呀風遞左張紙巾俾呀芊,
「哼!」呀芊冇理呀風,
呀風見到,幫呀芊抹埋,
「你......」呀芊不解咁望住呀風,
「見到你呢個樣,我唔想食唔落野,」呀風講,
如果換到平時,呀芊一定鬧返呀風,
但佢欲乖乖咁俾呀風抹,塊面仲紅紅地
我地3個都覺唔妥
突然呀風電話響
呀風見到,即刻接左
好似唔想我地知係邊個打黎
「哦哦......好呀...... 我今日會去架啦,ok ...... 呀係!細妺,幫我買埋呀,嗯,掰掰......」
呀風講完電話, 我即刻問佢
「呀風,乜你有細妹架?」我問
「有......有呀,你唔知姐!」呀風講
但講到吞吞吐吐
「咩呀? 呀風,前幾日你自己講既,你do呢行,你係冇屋企人架!」我再問
「信我啦......有呀......」呀風講,
我硬係feel呀風好怪,
「妖!」呀芊聽到唔煩,一手搶左呀風部手機,
「呀倩?!」
呀倩?呀風叫呀倩做細妹?呀風搶返部野,勁大聲鬧呀芊:
「你冇病呀?搶人野?你有冇禮貌架?」
呀風從來冇見過佢咁惡對女仔,之前同呀芊鬧交,
至多係玩玩下, 唔會黎真, 但係...... 佢今次玩真,
「呀風,算啦!」呀謙勸下呀風,
呀風望左佢地一眼,然後再望住我好耐,奪門而去...... (待續)