龍：個頭好似仲有少少痛,仲有我覺得自己好醜樣 [自己摸自己個頭]

我：傻瓜,你尋日開完腦,依家梗系痛咖啦,同埋,你吾系好醜樣姐,就算你醜樣我都愛你!

龍：但系我依家冇哂頭髮啵!

我：有關係咖咩?你有冇頭髮,你都系呀龍,你冇變咖啵!我知道你都系一樣咁愛我!

龍：但系你吾會介意咩?

我：傻瓜,我黠會介意姐,我吾介意,你仲介意咩呀?

龍：咁又系啵,冇哂頭髮可以慳番D洗頭水,都幾好,出街又吾洗梳頭,

我：哈哈,咁都俾你諗到?

龍：洗乜講呀?

傾傾下,YOYO同埋呀LOK黎左..

YOYO：啑,呀龍好似精神幾好啵!

龍：梗系啦,我系呀龍啵,1場小小既手術姐,就算我死呀,都可以死而復生啵!

我：喂喂喂,吾好亂講野好啵,嬲你咖,成日都系咁

LOK：系囉,呀龍你又系衰既,人地琪琪尋晚幾驚呀,喊到死呀!

龍：好啦好啦,吾講啦,我點會死姐?

我：拿,以後吾可以講埋死死聲既野呀!

龍：知道啦!老婆

YOYO：真系頂你地吾順呀,咁鬼死肉麻!

LOK：咪就系囉,當我地冇到呀?你地幾時結婚呀?

YOYO：咪就系囉,上次..........

LOK：喂,衰野吾好講,你地生死離別都經歷過啦,仲吾結婚?

龍：想咖啦,睇下佢點姐?可?琪琪姐

我：你呀,咁多野講,結婚?等你好番先講啦!

龍：咁系咖啦,我病好你就系永遠都系我既..

我：睇下你表現先啦!

YOYO：WOW!等你地請我地飲呀!

LOK：今次一定結得成啦,哈哈哈哈

我：未知咖,都話要睇佢表現先囉,,

龍：唉,LOK,D女人系咁咖啦,成日口硬心軟!

LOK：算啦,琪頂心裡面不知幾想同你結婚呀!

我：邊個話咖?我一D都吾恨嫁!

YOYO：系囉,你地吾要我地,大把人爭住要啦!哼\._./

我：聽吾聽到呀?男人們..

龍：仲之,我要定你咖啦,琪琪,嘿嘿

龍：哈哈,我知道你一定會一世跟住我既,算啦!!!LOK,女人就系咁咖啦 [囂張呀]

我：哼\._./邊個話咖?我可以跟第2個男人走佬添呀!!! [扮哂嬲咁]

龍：傻豬仔,我知道因為我愛你,所以你會更加愛我,我知道你會嫁俾我既!!!

我：你呀,好恨結婚咩?

龍：系呀,幾恨咖,所以你快D同我結婚呀!!!

我：你肯定可以令我一世開開心心咩?你會好好照顧我咩? [其實我系到明知故問]

龍：你話呢?講真,我覺得我咁多個女朋友,我對你系最好!!真咖,信我啦,琪琪

我：傻佬,你呀,吾可以對住其他女仔咁口花花咖, [終於忍吾住笑左出黎,我知道我自己笑得好甜]

突然之間,一個咁溫馨既場面,俾人破壞左啦!!!!!!!!!!!!!

喬：龍,你做咩事呀?你有冇事呀? [阿喬沖左入黎,嚇到喊左出黎,攬住呀龍]

龍：喬?做咩事呀?吾好喊住先啦,我冇事呀,傻豬 [突然之間,呀龍對住呀喬好溫柔呀]

喬：你有冇邊到痛呀? [望住呀龍,眼淚水不停留,輕輕力用手摸呀龍個頭]

龍：冇事呀,吾痛呀,吾洗擔心我呀!吾好喊啦,喊就吾靚咖啦 [唉,呀龍再一次對住阿喬溫柔,我呷醋呀]

喬：真系冇事?見到你我就心痛啦!我真系好驚,好驚以後再見吾到你, [攬住呀龍喊]

龍：冇事啦,真系冇事,乖啦, [估吾到呀龍會攬住阿喬]

喬：好掛住你LEE種溫柔既擁抱,多謝你呀,嗚嗚嗚

龍：傻瓜!!!!!!!!! [估吾到除左我可以令到呀龍好開心咁笑之外,阿喬都可以咖啦,呀龍笑得好甜]

YOYO：琪琪,你冇事嘛? [YOYO見到我呆左,佢捉住我隻手]

我：冇事呀!!!!!!!傻啦,我口渴呀!!!買野飲先 [其實我系好有事,好吾開心]

YOYO：琪琪呀,做咩事呀?

LOK：好啦,陪琪琪出去啦我地,

我：行啦,吾好嘈住佢地啦!!

我地出左去門口,鬆左口氣,吾淺再見到佢地攬埋一舊,

我呷醋,我冇話俾你知,因為我要做出女仔應有既大方,

其實發覺原來自己系最小器,,

YOYO：琪琪,做咩事呀? [我知道我咁既樣,個個睇到我都知道我有事啦]

LOK：吾好亂諗野呀!我諗佢地只系朋友黎姐!傻瓜,成日諗埋一面

YOYO：妖!佢個仆街喬!成日阻鬼住人!佢知吾知醜咖?

我：吾好咁啦!我冇事啵!我好OK啵!你地覺得我似咁小器咩? [其實我真系好小器]

YOYO：咁系嘛!你呀,吾好俾佢食住黎上呀!你先系呀龍條女囉!

LOK：得啦!我諗琪琪識諗既!都咁大個囡囉,你估佢仲細呀?

我：知道啦!吾好成日講到我好似咁介意先得咖,我知道呀龍同佢之間只有友誼既!

YOYO：吾開心就講啵,我幫你鬧阿喬!

我：得啦,吾好咁大聲啦!俾佢地聽到就吾系咁好啦!

YOYO：聽到咪聽到囉,我先吾怕佢條8婆呀!成日煩住呀龍,

我：好啦好啦!知道啦,知道你關心我,你幾時都咁錫我咖啦,

YOYO：哈哈,系呀!你知就好啦, [終於笑番啦]

我：笑番咪好囉!成日成個苦瓜咁,你知吾知你笑個陣真系好迷人咖?如果我系男人,我都簡你啦,哈哈

YOYO：洗乜講!佢咪三生有幸囉, [望住呀LOK奸笑]

LOK：知道啦,自大狂!

講講下,呀龍房門開左,我地三個都望住門口,原來呀龍行左出黎

龍：琪琪,你去左邊呀?擔心死我啦! [好緊張過左黎捉住我隻手]

我：冇事呀!系到之嘛,你未好番就吾好周圍走啦!傻瓜 [我好開心,其實我對呀龍講我都系好重要]

龍：咁我擔心你嘛!你知道咖啦,如果你有咩事我都吾知點算,邊個同我結婚生仔呀?

我：知道啦,吾好再出黎啦,我地番入房先啦! [慢慢扶住呀龍番房]

入到房,阿喬望住我地兩個...

喬：琪琪,你去左邊呀?呀龍好擔心你呀! [估吾到呀喬會咁問]

我：冇事呀,我系出面之嘛! [微笑回應佢,佢都微笑回應番我]

龍：得啦得啦,依家冇事啦!拿,你地吾好走呀!系到陪住我!

我：知道啦,你訓啦!我會系到陪住你咖,

YOYO：琪琪,我走先啦!掰掰

LOK：有咩事打俾我地啦,走啦,呀龍!

龍：得啦,小心D呀!得閒再出黎玩過啦!

我：掰掰,YOYO,電聯啦!

YOYO佢地又走左啦!得番我,呀龍,呀喬三個人系房,你我望我眼,

過左半個鍾,呀龍慢慢,慢慢咁合埋左隻眼啦,我知道依家病人最需要休息,

喬：哈哈,個傻佬訓左啦! [訓住呀龍笑得好甜]

我：系呀!佢都累咖啦,岩岩做完手術系咁咖啦! [我望住呀龍都笑得好甜]

喬：好啦,我地俾佢休息下啦!琪琪,出黎傾下計好嘛? [傾計?攪到我有少少驚驚地添]

我：傾計?

喬：系呀!出黎傾下計啦,吾好嘈住佢啦! [拉住我隻手出左房門口]

我：呀喬,有事嘛? [其實我驚呀喬又叫我俾呀龍佢,我真系吾捨得]

喬：你愛呀龍呀可? [無啦啦咁問,姐系想點?]

我：嗯,我愛佢!仲好愛果隻添!

喬：我都系好愛佢!佢以前真系好錫我咖,不過依家吾同哂嚕,

我：呀喬,如果你要我讓呀龍俾你,我做吾到 [我都開門見山講出我既感受,為左呀龍,我吾怕]

喬：傻妹,我地大家都咁愛呀龍,其實我諗通啦!愛佢吾一定要擁有佢,系咪?

我：咁講姐系咩意思?

喬：拿,我依家就將呀龍交俾你,你要俾佢幸福呀!吾系到時我番黎拎番佢走咖.. [估吾到呀喬咁講]

我：呀喬,你吾系好愛佢咖咩?你捨得咖啦?

喬：咁呀龍簡得你,我就知道佢愛你比愛我多,同埋我見到呀龍有病果陣,你既不離不棄,我就知道你真心愛佢咖啦!

我：咁你點呀? [其實呀喬突然咁講,我覺得自己好衰]

喬：放心啵,佢開心我就開心!我已經好滿足咖啦,可以同佢做好朋友! [估吾到呀喬到最後結果系咁大方]

我：但系.......... [我覺得好無奈,我做左衰人]

喬：吾好但系啦,你要好好同呀龍一齊呀!我吾得閒啦,我走先啦,得閒出黎玩啦,掰掰 [另轉頭走左]

我：呀喬,多謝你呀!我一定會對呀龍好好! [大聲嗌]

喬：呀龍交俾你啦! [停左系到,對我微笑咁講]

我：呀喬,多謝你呀!我會好好照顧呀龍架! [其實果陣我系好想喊出黎架,呀喬既行為令我好感動]

喬：掰掰,你地一定要幸福呀! [微笑同我講再見,之後就走左啦]

我：一定會,我一定會俾呀龍最大既幸福!我一定會全心全意愛佢一個, [細細聲系到口up up,冇人聽到我講咩]

睇住呀喬既背影離我愈黎愈遠,我就愈黎愈傷心,因為我本來就系第三者,

而依家就好似系我迫呀喬退出,我覺得自己好衰格,我知道呀喬系會有傷心,

但其實我可以話俾你地知,我既傷心一定吾會俾呀喬少,

呀喬愈大方,我就愈心虛,我吾知道我應吾應該同呀龍繼續一齊,

定系將呀龍交番俾呀喬,等好像以前咁,呀喬同呀龍仲系一齊,

而我就從來未識過LEE兩個人,但我可以做到咩?

跟住我就慢慢行番去呀龍間房,坐番系呀龍身邊,

捉到呀龍隻手好實,我想要安全感呀!我個頭訓左落呀龍個身上面,

不知不覺就喊左出黎,個鼻不停索索聲,眼淚水就整濕左呀龍件衫,

我：龍,我覺得我自己好自私呀! [我以為呀龍訓著左,會聽吾到我講咩,所以我自己系到自言自語]

我：本來我想得到既野我得到啦,但點解當得到之後我一D都吾覺得傷心既?嗚...... [我就不停系到喊]

龍：琪琪, [突然間呀龍伸手摸我個頭,我諗佢起身啦]

我：呀龍,你起左身啦? [本來我仲喊梗既,但聽到呀龍叫我,我就抹乾D眼淚,強顏歡笑望住呀龍]

龍：傻妹黎既,無啦啦做咩喊呀?你知吾知我好擔心咖? [呀龍坐左系到攬住我,原來呀龍知道我喊]

我：呀龍,呀喬同我講,佢要放棄你啦,意思系佢要退出, [一講到LEE到我又忍吾住喊左出黎]

龍：咁咪好囉,你做咩要喊呀? [好溫柔咁同我講]

我：我覺得呀喬好慘呀,我地一次又一次咁HURT佢,吾系咩?

龍：咁始終要有一個退出架啦,咁我系愛你既,你又愛我,但呀喬愛我,我吾愛呀喬,就算你俾我同呀喬一齊番,我個心都只 系得你一個,咁到時候咪攪到三個都吾開心囉!

我：我地真系冇錯咩? [我D眼淚仲系不停留出黎]

龍：冇錯,咁我吾可以同佢做情侶,我都可以同佢做好朋友,都可以好好咁鍚佢姐,吾系咩?

我：點解你可以睇得咁開既?點解我吾可以既?

龍：傻瓜,呀喬會冇事架,佢會好堅強架!

我：再堅強既女人都會為感情而變得吾堅強!

龍：仲之,我就系愛你一個,我只系要你,其他人我都吾要,因為我愛你! [呀龍輕輕鍚左我額頭一下]

雖然我覺得呀喬好慘,但呀龍愈對我好,我就系愈放吾低佢,愈系變吾到心,

咁吾通我真系將我同呀龍既快樂建築系呀喬痛苦身上?

我：希望呀喬以後會搵到個好男仔啦,可以放低你,咁樣我可能會安樂D既!

龍：嗯嗯,其實呀喬咁好,又索又專一,一定會搵到個好男仔架!少擔心啦!

我：系既,人地又索,又靚,又好,咁你咪可以簡番佢囉! [扮哂呷醋咁]

龍：傻豬,呷醋呀!我知道,你冇佢咁好,又冇佢咁靚,但你吾洗自卑架啵! [系到奸笑]

我：系架啦!我系好平凡架啦! 咁你做要簡我呀?[扮野嬲]

龍：你冇聽過架咩?老婆吾需要要太靚,二奶靚就得架啦!老婆系屋企煮飯之嘛! [激死我啦]

我：哼\._./好彩我吾系你老婆姐!

龍：吾好嬲啦,我講下笑咋!我真系愛你我先簡你咋!

我：我吾擔保你幾時會變心啵!你依家就話愛我姐!點知同你結左婚之後會吾會吾要我架?

龍：放心啦,我對你既愛系一生一世架!

我：哈哈,系至好!你變心我就追足你9條街打你! [每次聽到呀龍話愛我我就好開心]

時間過得好快呀!好快就過左半個月啦,呀龍佢個傷口已經好番啦!

出左院都已經1個星期啦,不過佢仲系有少少介意,因為佢驚我介意佢冇哂頭髮,

自從呀龍出左院之後,我就吾俾呀龍出街,因為我要佢好好咁休息下,

我諗呀龍一定就黎悶到發毛啦,不過就算佢吾發毛,我都發毛啦,因為我都好悶下,

龍：琪琪,不如我地出下街行下啦,好冇呀? [楚楚可憐咁既樣]

我：MM,諗下啦! [如果呀龍出得一次,就日日都出架啦,我都系想佢快D好番姐]

龍：好啦,你吾覺得悶架咩?都成個禮拜系屋企冇出過街啦! [系啵,數數下都成個禮拜啦啵]

我：吾悶啵,你呀,同我乖乖地坐系到添呀! [我扮哂野,其實我系好悶架]

龍：魚,都吾知道要坐到幾時呀!悶死人啦! [系屋企大嗌,其實我都好想大嗌架]

我：冇得傾,一D耐性都冇?依家至一個禮拜之嘛 [扶呀龍番張床到訓,我地日日都系訓就食,真系好無聊]

龍：算數啦,我忍下囉,到我好番,我一定會玩番夠本! [死死氣訓低左]

[嘟..嘟..嘟..嘟..嘟..嘟..嘟..嘟..嘟..嘟] <-----------屋企電話響,邊個咁得閒呢?

我：喂喂... [LEE排好似與世隔絕咁,成個禮拜冇人打黎,連YOYO都系咁-V-"]

喬：喂,琪琪,我呀,呀喬呀,做咩你同呀龍個手提都冇開既?打左幾日都系咁 [下!系?睇下先]

我：呀喬?等等先,等我睇下先 [搵左個電話出黎,點知兩個電話原來都冇電,幾日冇叉電]

喬：點呀?系咪個電話冇電呀? [哈哈,俾你估岩左添]

我：系呀,吾怪得之幾日都冇人打黎啦,原來我冇開電話,系呢,你搵我咩事呀?

喬：冇呀,呀龍應該出左院啦? [我望下呀龍,微笑]

我：嗯嗯^^佢出左院啦,都成個禮拜啦!

喬：傷口好番未呀?有冇仲覺得痛呀? [睇得出呀喬仲系好關心呀龍]

我：有心啦^^佢好左好多啦,我諗佢吾怕痛掛, [又望住呀龍,呀龍又望住我]

龍：邊個黎架?其實我怕痛架! [起左身攬住我]

我：呀喬黎架,你怕痛架咩?點解我吾知既?

喬：呀龍吾休息下既? [系到笑]

我：佢話悶啵,因為我成個禮拜吾比佢出街 [奸笑]

龍：呀喬,救下我呀!我悶死啦,快D同我出街啦!我就黎傻架啦! [系到嗌]

我：殊,收聲啦,小龍仔! [禁住佢把口]

喬：咁呀龍悶,不如出黎食下野囉,好冇呀?

我：MM,咁呀...好啦! [諗左一陣間至答]

喬：系邊到等呀?

我：系我間蛋糕店呀!你識去嘛?

喬：識呀,咁等陣見啦,掰掰

我：OK啦,掰掰 [收左線]

龍：好野好野,有得出街! [跳哂舞咁]

我：停先,咩有人話俾你出街咩? [呃佢]

龍：下-V-"你自己一個出咋?你吾會咁殘忍呀=''= [個樣變哂]

我：我就系咁殘忍 [睇到呀龍咁既樣,真系好想笑出黎]

龍：算啦,我番房訓覺啦! [好失望咁番左入房]

我：講笑咋,同埋你一齊出去呀! [拉番佢出黎]

龍：系咪真架? [攬住我傻笑,好似小朋友咁]

我：[點頭]

龍：好野,咁得換衫先啦! [閂埋左房門,好開心咁]

我：得未呀?小朋友-口-" [等左呀龍成15分鍾,都未出黎,攪到我有少少吾耐煩添]

龍：唉,我都系吾出去啦! [呀龍開左房門,佢都換好哂衫啦,做咩冇啦啦話吾出呀]

我：做咩事呀?同你出街啵!做咩冇啦啦吾出去呀?吾舒服呀? [我見到呀龍咁,我當然擔心佢啦]

龍：我成個光頭仔咁,出到去一定俾人笑死啦! [唉,始終呀龍仲系仲意,過吾到自己個關]

我：傻啦,佢地個個都系你既好朋友,佢地吾會笑你架啵!我覺得你咁樣幾可愛呀! [講真,其實真系好可愛]

龍：系咪架?我驚佢地會介意啵! [其實朋友點會介意呢]

我：得啦,行啦!冇所謂啵! [拉住呀龍佢行]

龍：吾去啦,真系吾去啦! [放開左我隻手,好吾開心咁坐左系梳發]

我：咁你系咪要等頭髮生番哂出黎你至出街呀?有排架啵! [坐左埋去,語氣吾系咁好]

龍：咁我覺得我自己好怪,好醜怪呀! [好似發脾氣咁,算啦,我吾會怪佢,俾著我,我都會心情吾好啦]

我：等我一陣先,坐定定呀! [入左房搵野]

龍：你搵咩呀?我幫你手啦! [跟左我入房]

我：呀!搵到呀,登登登登 [俾我搵左我N年前戴過既adidas帽]

龍：帽?做咩呀? [仲問做咩?你話呢?]

我：戴住啦,嘩!你睇下幾型仔,咁你依家可以出街啦! [幫呀龍戴起左]

龍：啑啑,又幾得啵!多謝你呀! [鍚左我一淡,好明顯就開心番哂啦]

我：咁依家行得未呀?吾好要人等啦! [拉住呀龍出門口]

龍：好啦好啦,其實我想出去好耐架啦! [好開心咁同我手拖手出左去]

蛋糕店......

YOYO：喂喂,琪琪,成個禮拜冇見啦!好掛住你呀!你有冇掛住我呀? [見到我,即刻過黎攬實我]

我：哈哈,梗系有啦,不過你放開我先,我俾你整到好痛呀! [好無奈]

YOYO：呀喬黎左呀! [指住呀喬,呀喬微笑]

我：得啦得啦,你有你做野啦,吾洗理我架啦! [點左YOYO去做野]

喬：HALO,琪琪呀龍, [冇見成個禮拜,好似靚左啵]

龍：黎左好耐啦? [我諗系啦,鬼叫你整咁鬼耐咩?]

喬：一陣啦,啑,精神幾好啵! [摸下呀龍頂帽]

龍：幾啦,托你既幅啦! [同呀喬好似傾得好開心咁]

喬：哈哈,我不嬲你都系你既守護天便架啦!

龍：系啵!你仲記得呀?果陣我有咩事,只要你系我身邊,我就會好快冇事架啦! [果陣?佢地拍拖果陣?]

喬：哈哈,系呀!不過依家,永遠都系! [笑得好甜]

我：我...... [我想盡量投入佢地既話題,但講左個我字之後,就俾呀龍講左野]

龍：系咪真先?系至好講呀!傻妹... [叫到呀喬好親切]

喬：梗系啦!傻佬... [人地吾知,仲以為佢地系情侶添]

我：我...我去拎野食俾你地呀! [見到佢地咁開心,無謂阻左人地啦]

龍：嘩!好耐冇出黎行下,依家出黎發覺個世界系好靚架! [佢地根本聽吾到我講咩?]

喬：記吾記得我地果陣去長洲玩呀?幾開心呀? [佢地好似愈講愈開心咁,我呢?好似吾多開心]

龍：記得呀!系果到真系好鬼開心,食完就訓,訓完就玩! [笑得好開心]

喬：不過我諗以後冇機會去啦! [睇落去好似有少少失望]

龍：吾系架!如果你開聲,我一定陪你去架! [感覺上,我覺得自己好似有少少嫉妒]

喬：系咪架?我當真架啦! [呀喬好開心]

睇住佢地咁開心咁傾計,我行開左去一面,無謂阻住佢地,

我行開左,佢地都吾知道,見到佢地好似拍拖咁,攪到我有少少不知所措,

我就好似吾存在咁,俾人當冇到,感覺好難受下

跟住我自己行埋左一面,坐左系收錢果位到,不停整LEE樣果樣,

因為我想分散自己既注意力,等我吾去諗佢地系到講梗乜,

但我愈吾想諗,佢地就愈笑愈大聲,攪到我吾去諗都吾得,

我好介意呀,見到自己男朋友同第二個女仔傾計傾得咁開心,

我知道我自己系到呷梗醋,我呷呀喬醋呀!點解我會咁架?

我覺得因為我既呷醋,對佢地好吾公平囉!因為佢地之間就只有友誼,

並無愛情,既然呀喬已經咁大方,佢決定放棄呀龍,成全我同呀龍,

點解我又吾可以大方D,佢地只系系到傾計,又吾系做乜,

我就要覺得佢地之間仲系有野,仲系鍾意對方,琪琪呀琪琪,

你到底諗梗咩架?我討厭自己呀!我對自己冇信心呀!

YOYO：喂,8婆,系到做梗乜呀?吾過去傾計? [YOYO望住我望梗既方向,姐系呀龍佢地果邊]

我：冇事呀,佢地傾得咁開心,吾想阻住佢地,反正我系果到都冇野做架啦! [個樣話俾YOYO知我好吾開心]

YOYO：做咩事呀?你吾系呷醋呀? [細細聲系到同我講,仲笑笑口添,我諗YOYO都覺得我傻]

我：傻啦.邊到有啵!吾會吾會,做野啦! [其實我有呀!但我吾敢同人講]

YOYO：有既,少少實有既!仲呃我? [YOYO不愧系YOYO,我個心諗梗咩佢一定知道]

我：唉,冇野囉!真系冇啵! [其實就算有,我又可以點呢?]

YOYO：屎忽鬼,吾鬼同你計呀!反正你都吾會認架啦! [YOYO又走左啦,又俾左個機會我繼續留意佢地]

跟住望左佢地成個字,我都系冇乜心機睇落去啦,愈睇就愈吾開心,

我入左去廚房,諗住整下野,整下曲奇餅啦,等我可以專專心心咁做一件事都諗佢地都好!

之後入到去廚房我就開始整啦,好耐都冇整過啦,好彩我仲記得點整,冇生疏到,

我整完之後,放左去焗,LEE個時候又要等啦!我坐左系到,繼續諗野,呆左,成個傻婆咁,

無啦啦後面有人攬住我,好溫暖既體溫呀!我知道系佢......

龍：系到做乜呀? [果然真系呀龍,佢終於記得我既存在啦]

我：整曲奇餅囉, [平時呀龍攬住我,我都冇咁開心,依家佢攬住我,我真系覺得好開心呀]

龍：整俾我食呀? [傻瓜,如果你想食,我幾時整俾你食都得啦]

我：嗯嗯,你吾出去傾計?呀喬呢? [周圍望睇下呀喬系咪到]

龍：佢系出面呀!你做咩走左我都吾知既? [你梗系吾知啦,你傾得咁開心]

我：嘿,原來你真系吾知既!嬲呀\._./ [扮到個樣好鬼嬲,但我都吾知我系扮,定系真心嬲?]

龍：SORRY囉!傾得開心嘛,下次吾會架啦!我陪你等D曲奇整好先啦! [坐左系我隔離,攬住我條腰]

我：真至好講!算啦,將功補過啦! [由個心到笑左出黎]

龍：你系咪呷醋呀岩岩? [明知故問,你話呢?]

我：系呀!有呷醋呀,鬼叫你吾理我咩? [一講起就火都黎埋呀]

龍：哈哈,咁咪好囉! [仲系到笑]

我：我呷醋你覺得好好咩?我呷醋就因為你做得吾夠好,我至會咁 [激死我啦]

龍：你呷醋我真系好開心架! [仲話開心?]

我：點解呀?你想我嬲你咩? [拍左佢個頭一下]

龍：你呷醋就因為你緊張我,咁我會覺得好開心囉,因為我知道你著緊我, [傻瓜!]

我：咁你以後就繼續咁啦,由得我嬲就好啦!

龍：如果我下次再咁,我只要記住我愛既系你,我諗你就吾會呷醋架啦!

我：哼,但我都會嬲,如果我同第二個男仔咁,你又會點呀?

龍：我會好大方架!因為我知道你吾會愛佢囉! [LEE個人永遠都系咁有自信架!]

講講下,曲奇餅得啦,我打開個焗爐,好香呀!

龍：嘩,果然得啵!整D野.. [系到傻笑,洗乜講呀?]

我：等我拎出黎,我諗幾好味架! [俾自己鍾意既人讚我整D野,我覺得好有足滿感]

龍：我幫你拎啦,等陣你整親,我會心痛架! [好肉麻,不過我鍾意]

我：好啦,咁吾該哂! [雖然我見吾到自己個樣,但我知道我自己笑得好甜]

我：小心D呀!好熱架!

龍：得啦得啦,嘩!好香呀! [拎左D曲奇餅出黎]

我：我地拎出去一齊食啦,

龍：好呀好呀, [呀龍小心咁拎住D熱辣辣既曲奇餅出去]

喬：啑,好香啵! [呀喬見到呀龍拎住D野出黎,就走左過黎睇]

龍：系呀,琪琪整架!好味架! [哈哈,個死傻瓜]

我：YOYO過黎一齊食啦! [拉住YOYO過黎,見到佢咁辛苦,梗系叫佢過黎休息下啦]

YOYO：哈哈,好啦,不過你咁耐冇整過,食吾食得人架? [死野,咁話我既?]

我：你話呢? [個樣好無奈-V-"]

龍：琪琪整D野一定好好味! [即刻拎左1塊黎食]

我：熱呀,小心D啦,死傻佬! [見到呀龍咁既樣,笑左出黎]

龍：知道啦,呀喬你都食啦! [拎左塊俾呀喬食]

喬：吾該哂! [成日見到呀喬對住呀龍露出一副幸福既樣,我都好嫉妒架]

YOYO：等我都試下得吾得先! [咩意思先?]

喬：嘩!好好味呀! [我整既野梗系好味啦,哈哈]

龍：好味就食多D囉,真系幾好味! [我知道好味,但系吾好成日讚我啦XDD]

喬：你鍾意食既話,我可以學架!之後就整俾你食.. [呀喬咁講,攪到佢好似做左呀龍既女朋友咁]

龍：好呀,系啵!呀喬你好似就黎生日啦啵!

喬：系呀,估吾到你仲記得啵! [又好似好幸福咁]

龍：有D野我會一世都記住既..好似你D野咁 [呀龍又攪到我呷醋啦]

喬：多謝你呀!你咁講我真系好開心呀!

龍：你生日我一定要你過得開開心心,我都好耐冇陪過你過生日啦,

喬：你會陪我嘛? [呀龍咁講佢一定會陪你架啦!]

龍：會,如果我吾陪你,你會開心咩? [拍下呀喬個頭]

喬：系咪真架?今日收穫真系多呀!你又好似以前咁對我啦! [我好懷疑呀龍會吾會變心?]

龍：傻瓜,我對你不嬲都冇變架啦!

唉,有時候我會覺得其實呀喬系重要過我架!

我點樣做先可以令到呀龍更愛我呢?

佢地傾傾下,好快就天黑啦,我就坐左系呀龍側邊聽佢地以前既往事,

其實佢地以前既野我都吾知,所以我都吾知佢地系到UP乜,

呀龍望住我笑,我就跟住佢笑,其實我一D都吾想笑,

我笑吾系因為我開心,而系我想你因為見到我開心,所以你都開心,

龍：你餓未呀?天都黑啦,時間真系過得好快呀! [你都知道天黑呢?我以為你吾捨得走添]

喬：我知道呀,天黑左好耐添,不過我見到你同我講咁多野,我吾想LEE個時刻咁快結束之嘛 [我覺得呀喬吾多吾少都會仲有D鍾意呀龍既,佢咁講,我就覺得愈系]

龍：咁不如我地去食野囉,琪琪YOYO一齊去囉! [咩你冇諗住帶我去架咩?]

YOYO：嗯嗯,叫埋呀LOK好冇呀?你都好耐冇見佢啦! [好彩YOYO你話去咋,吾系如果得我地3個,你話幾尷尬呀]

龍：好呀,你打俾佢啦,聚下舊啦系時候,哈哈 [呀龍起左身,終於拖番住我啦]

喬：去邊食野呀?我真系好餓呀! [呀喬又去左呀龍身邊啦]

龍：SORRY呀,攪到你餓親,等陣俾你DADDY,MUM知道鬧死我都似呀!

喬：傻啦,佢地咁鍚你,點會鬧你呀?系啵,你地都好似好耐冇見啦啵!

龍：都幾耐下架,你失蹤之後都冇見過啦,

喬：我就生日,我諗佢地都會同我過生日架! [佢地依家仲好似拍梗拖咁]

YOYO：行得啦,我約左呀LOK去我地平時果間茶餐廳等呀,我決定左地方,吾介意嘛?

龍：OK啦,行啦, [見到佢地愈傾愈開心,我呆左,又系到亂諗野啦,企左系到吾郁]

龍：琪琪,做咩事呀?吾舒服呀? [呀龍本身行左,不過佢終於留意到冇行,所以過黎睇我]

我：冇事呀,只不過我系到諗野,諗到傻左姐 [吾知點解我要系佢面前扮冇野]

龍：咁行啦,如果吾舒服要講呀! [呀龍對住我,對住呀喬既態度都一樣,佢個心到底諗梗咩架?]

茶餐廳............

LOK：喂,LEE面呀..... [呀LOK原來已經到左啦]

YOYO：咁快既?少可啵! [YOYO見到呀LOK好開心咁]

LOK：梗系啦,約左龍少同琪琪啵!我吾想遲到嘛....

龍：衰仔呀,同你介紹................. [呀龍想同呀LOK介紹呀喬]

LOK：知道啦,你之前女朋友,呀喬嘛.......見到N次啦! [系啵,呀LOK吾識佢至奇啦]

喬：嗯嗯,你好呀,見過你咁多次,都冇同你正式咁打過招呼....

LOK：客氣啦............

YOYO：睇下...睇下果邊.... [YOYO不停拍我,叫我望下我後面]

我：做咩呀? [我只系望住呀龍同呀喬,所以我冇望後面]

YOYO：DINO呀......仲有一個女仔,我諗系佢女朋友 [系?好耐冇見佢啦啵!]

我：系啵!真系佢啵...真系好耐冇見佢啦! [我望左去後面]