時間：98年某天•地點：元朗天水圍嘉Ｘ山莊某座某單位•人物：兩位屋主（一兄一妹）、朋友（三女二男）

一晚，七人在單位內看翻版光碟，起初沒有什麼特別。到了一個恐怖鏡頭的時候，電視機的畫面突然震動，停留在那個有人頭的畫面，而VCD機的時計數字卻如常跳動。

一男往窗口一看，見到兩個人頭，跟電視機內的十分相似，就和其餘六個說。六人往大門後的鏡子看，看見有兩個紅色的東西閃著。七人想把電視機和VCD機關掉，但連番直接按開關掣也仍然開著，最後要拔下插頭電視和VCD才熄掉。所有人立刻返回房間。

之後，數人想到廁所去，經過梳化的時候，有人看到梳化面像有人剛起來而升回原位似的，她們被嚇得直跑回房間。

李終貴按：終貴睇VCD咁耐，都未領過o野。終貴覺得你可能係因為睇翻版出事，呢個教訓你要緊記。

講起翻版，終貴突然諗起有個朋友最近去泰國入貨，買o左批二手名牌返o黎出事。

佢屋企開二手店，地下係地舖，樓上係貨倉。呢批二手貨拎到返o黎就放o係盒。有日佢同班師奶o係地舖打麻將，班仔女就自己執生o係舖入面玩。有個靚仔只得５歲，貪得意爬上樓梯，佢一上到二樓，就見到有班細路，差不多有五個咁多，o係度追逐。

佢走埋去同人講：「受埋我玩！」

人o地講o左一大堆說話，佢都聽唔明，不過細路仔最重要係身體語言，大家追逐根本唔使講o野。佢同班細路玩到好開心，笑到停唔到口。佢阿媽o係樓下，突然回頭，好奇怪咁話：「咦？點解我個仔一個人o係上面玩得咁開心o既？」

冇人知道個細路o係樓上見到o既係咩人。不過終貴個朋友即刻以最平o既價錢蝕賣�齯G手名牌就係真事