今日放左工 ...冇心情番屋企 ..

係因為小嵐既一番說話嘛 ?

諗番轉頭 ... 我 ..小樂 ..阿瑜三個都好似傻瓜咁 ..

一直傷害緊小樂既我 ...同時以為比阿瑜傷得好深好深 ...到最後 ..... 阿瑜同樣地傷害自己 ...

呢種傷害 ...帶比我同小樂永遠既烙印 ..!!

行下行下 ...見到眼前出現左一個人影 ...抬頭一望 ....

樂 : 自己一個既"?

我 :嗯 . .放左工唔想番去住 ..所以周圍行下"!

樂 :哦 ...不如去飲杯野好冇 ?!

我 :um ....唔好喇 ..我醒起有d野做 ..要番屋企先 ..

樂 :點解番黎之後你一直避我 .. [ 捉住我隻手]

我 :我 ....

樂 :我係咪就咁黑你憎 ..咁唔得你中意 ..! 你係唔係由頭到尾都冇中意過我啊 "!

我 :[dum低頭]

樂 :望住我啊 ..!! 係唔係啊 ...!!

我 :[都係冇望佢]

樂 :點解你連望我一眼都唔肯啊 ..!!

我 :你想我點對你啊 ...!! 我番黎搵你既時候 ...你對我好冷淡 ...而家又咁 ...你想我點啊 !!

樂 :樂紫純你好自私啊 !! 呢六年 ...我幾多次比你就咁拋低 ...之後又冇聲冇色咁番黎啊 !!

我 :我從來都冇叫你等我啊 ...!! [轉身跑走]

阿樂好快就追番上黎 ..係後面攬住我 ..

樂 :唔好走啊 ...!! 對唔住 ...我 ...唔係有心架 ..!!

我 :傻啦 ...我承認自己真係好自私 ..你放低我係岩架. ...

樂 :冇啊... .我從來冇放低過你 ...係你唔要我咋 ...

我 :我 ...

樂 :你係真心中意佢 ?!

我 :佢 ..?

樂 :我已經知道 ...你同阿滔一齊喇 .... [把聲好痛楚 ...]

我 :[擰轉身望住佢] 阿滔 ...?你見過佢 ..?

樂 :嗯 ...你好中意佢嘛 ...

我即時個腦出現左好多個好多個問號 ...阿滔 ?!我同佢一齊 ?阿樂點解會見過佢 ..

佢地兩個講過d咩啊 ...!!?都係問清楚好d ...

我 :係佢同你講 ..我地一齊左 ?!

樂 :嗯 ..同埋其實我都見過你地幾次 ...佢送你番工同埋放工 ..

哇 ...有多左幾個問號 ...阿滔同阿樂講我地一齊 ...一定係佢既詭計 !!

我 :哦 ....

樂 :你 ... 真係中意佢 ?!

我 :佢個人好好 ...好錫我 ..好照顧我 ...

樂 :佢 ... 佢 ....總之佢唔會係好人 ...

我 :佢唔係好人 !?

樂 :佢一定會傷害你架 ....你快d離開佢啦 ... [好焦急]

我 :[聽到佢咁話阿滔有d嬲] 你憑乜野話阿滔呀?!

樂 :我 ...識左你咁耐會唔會害你啊 ...我會唔會為左想同你一齊而中傷佢啊 ?!

我 :[內疚 ..明知阿樂唔係呢d人] 咁 ..你為咩咁話滔 ?!

樂 :我 ....見到佢同第2個女仔一齊"!?

我 :[第2個女仔 ...阿樂冇理由唔認得阿芯架"?] 果個女仔點既樣架 ..?

樂 :我 ... 睇唔清楚 ...不過好肯定果個唔係你啦 !

我 :係咪阿芯啊 ?! [衝口而出]

樂 :你 ....知道哂?

我 :er ............

樂 :點解你每一次都要咁傻啊 ... 你容許到佢有第2個女人 ?!

我 :er ...

樂 :不過 ...3年啦你走左 ,,,可能你地都有好深既感情 ... [苦笑]

果一刻 ..見到佢個笑容 ...有d心痛 ...好想同佢講 ....唔係啊 ...佢只係我哥哥啊傻佬 ..

不過呢抬戲既然係滔哥哥上演左 ..一定有佢既原因 ..點我都要問清楚架啦

我 :唔關事 ...總之我有分數架啦 ...多謝關心 ...




阿樂望住我既背影 ...覺得好無助 ..

點解呢個女仔永遠都要比人傷害 ...而自己保護唔到佢 ...

3年喇又再 ...佢點解都唔識學精架 ......