我該如何放手?實在太苦也太累!  


我祇係唔甘心,唔甘心我從來無表白過......
我唔甘心,佢對我有過feel我知,但係我就乜都無做過...

我唔甘心我上司知道我其實都鐘意佢,有意無意間係我面前示威.........
我好費解,何以個女仔完全唔顧我感受,係我面前同上司親熱,但係佢其實都feel到我對佢有意.....
佢係專豋刺激我,睇我反應?
定係係度向我報復?


我執著佢結左婚,所以愛得太遲......
我執著我未曾表白,無法釋懷.......

我無法放開手中ge拳頭.......
須然我知道自己必須放手....


從來相信自己可以承受一切
可是到頭來祇發覺自己在苦苦支撐.......
我仍然無淚,縱然內心不斷悔恨....

我都知道........,我痛恨人地做第三者,但係我就幾乎做左人地第三者!

我唔知我有無做錯定自己ON居,我唔出手,祇因我仍在堅持緊一d野.....

每人心目中都有個秤,去衡量事情對與錯
祇要認為係對ge,就應該為之而去堅持,為之去堅守......

如果明知件事唔應該去做,為左自私而為背自己ge良知.........
咁錯得一次就好容易錯落去.............今日搶人老婆,聽日打劫,後日殺人........

迷失左自己,迷失埋自我!

呢個係我所信奉ge!亦係我為之堅持ge信念!


所以我選擇放棄不去追求佢,縱然心中劇痛縱然萬分悔恨,但若然可以再選擇過,

我仍然不會去追她.........那管祇能剩下無盡痛苦!


(p.s.:即使到如今,我仍然費解,鐵石心腸ge我從來不為他人動搖,何以會飲恨於此?

佢以經結了婚?!
下-0-係吾係呀?!

係!或者比妳睇睇我個故事.....

遊客無法瀏覽此圖片或下載點，請先註冊或登入會員。

估唔到有人咁年輕就有d咁成熟ge思想....
或者祇有局外人先睇得清楚........
若果個女仔係因為對我無感覺而接受第二個,咁就無得好講係咪?

但係佢曾經對我有過feel,亦曾刻意制造過機會比我..........
祇係因為佢結左婚,我唔想破壞佢家庭,而唔去比回應佢,亦無向佢表白......





可知佢同我相處個陣我有幾開心?但係每一次到左要表現ge時候,
我都要控制自己?唔好太過火?



好多時我都刻意劃清界線,唔比任何signal妳知我鐘意妳,其實我心中千萬個唔願意!一齊食野一齊玩,我知妳睇我反應,但係我都各自比番錢....妳電話無電要拎去7仔叉,我見間野無得叉,為左唔比妳懷疑我無拎去第二度再試...妳胃痛我提妳食粥但係無帶妳去食...

想去進一步關心佢,但係又祇能點到即止!


我太好戲,或者以致連佢都以為我唔夠細心...........覺得我粗枝大葉吧.......


於是我上司發力去追佢,看在我心裡有幾痛苦?

我好好想好想親口同佢講,我其實都鐘意佢,我想話比佢知我ge苦心,我想話比佢知我都可以對佢好好.....



但係我仍然無開口...............




若果佢知道我ge心意,唔同我上司一齊,我真係會甘於做一世好朋友.........


但而家佢接受左我上司,咁我之前做ge,全部都白費晒...........


佢仍然背叛左佢丈夫,祇不過係同我上司一齊,而唔係曾經有過feel ge我!



我如何可以祝福佢地呢?佢地三個人總有一日會出事.........

(唔係我黑心,係總要面對)

我唔知係咪太過尊重婚姻所以咁樣啦!


而家變成我係on居佬,唔去搶人老婆,但係人地老婆比人搶走左..........